علاج طبيعية 100% لملل البنات

بسم الله الرحمن الرحيم


السلام عليكم ورحمة الله وبركاته



هذه بعض الطرق لعلاج الملل لدى السحالي


يعني البنات ::: لانهم نسميهم سحالي



1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع
بعض اول..منها راح تمشين وقتك ومنها راح تجددون علاقتكم ومنها تشغلين
التلفون 12 ساعة



2 - اطلعي الحوش ولا السطح و افرشيلك فرشة وانسدحي على ظهرك وتآملي النجوم واسترخييييييي وتاملي؟!؟!؟



3 - قصي اطراف شعرك ..كل ما مليتي روحي عند المرايه وقصي الاطراف(بس شوي شوي منها) ..اراهن انكم بتصلعون على هالحالة



4 - امسكوا المسجل..ودورو فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..



5 - روحوا السوبر ماركت وامسكوا السله ودوروا فيها وصقعوا بخلق الله وقولوا :اووه آسفة مادريت



6 - امسكي الريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي



7 - تحدوا انفسكم تقعدون نص ساعة كاملة بدون ماتتكلمون مع اي احد او
تفتحون أحلوقكم ..نص ساعة طبعا بوجود الجميع (مااحد يقدر يسويها)



8 - سوي عصير برتقال واشربيه ؟؟؟



9 - غيرى مكان اثاث الصالون



10 - اقروا مجلة اطفال (ميكي وماجد)



11 - البسي ملابس شباب ثوب وشماغ وخرعوا اهلكم !!



12 - لو خذيتي دش وقعدتى ساعتين بالحمام (الله يكرمكم)>>

هذا وجهى.. اذا ما طلعتى تدورين الفراش ..



13 - نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم



[center]14 - روحوا مواقع بطاقات وكاردات وارسلوا لصديقاتكم ..




15 - الفي مسجات جوال ونكات ماسنجر..خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر واكتبيها بورقة..




16 - ادخلي غرفتك وحطي مكياج كاامل كنك رايحة عرس ولطخي وجهك تلطخ وخذي صورة حقك..حركة صح؟كخخخخخ




17 - امسكي دفتر تلوين اطفال واقعدي لوني ...كخخخ


18 – اذا مليتي افتحي دولاب ملابسك واقعدي قيسي ملابسك بدلة ورا الثانية<< يمكن ييصبح الصبح ونتي ماخلصتي من كثرهم



19 - روحي المطبخ سوي كيكة (هذا وجهي اذا أحد أكلها )




20 - سوي ايميل جديد واقعدي العبي على اللي تعرفينهم ..




21 - تعلموا لغة غريبة..مثلا كلمات معنية باحد اللغات واقعدوا اكشخوا فيهم وتفلسفوا فيهم




22 - اركبي السيارة وهي موقفة داخل البيت كنك تسوقين



23 - اطلعي وانزلي الدرج عشرين مرة .. منها تتمشين ومنها تنحفين<< ذبحتكم القعدة والفضاوة



24 - اقعدي على الكومبيوتر والعبي فيه مثل العادة



25 - اطلعي الحوش..وصيديلك حشرة لطيفة (عنكبوتة مثلا ) وحطيها بعلبة
واقعدي راقبيها..بس لا تخلونها وقت طويل عشان ماتتعذب <<<والله
من العطف عندكم يالبنات




26 - خذي مجلات قديمة واقعدي قصقصي صور ولصقيها بلوحة (بتطلع المواااااهب)



27 - اطلعي حوشكم ..والعبي كورة..وكسري لمبات البيت ..خخخخخ